مدرسة بيلا الثانوية بنات
هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.

مدرسة بيلا الثانوية بنات


 
البوابةالرئيسيةأحدث الصورالتسجيلدخول

 

 سذاجة البنات المحترمة

اذهب الى الأسفل 
+3
alyaa96
alymosaad
lmakan505
7 مشترك
كاتب الموضوعرسالة
lmakan505
عضو جديد
عضو جديد



عدد المساهمات : 12
تاريخ التسجيل : 03/08/2009
العمر : 36

سذاجة البنات المحترمة Empty
مُساهمةموضوع: سذاجة البنات المحترمة   سذاجة البنات المحترمة Icon_minitimeالإثنين 03 أغسطس 2009, 8:35 pm

*(سذاجة البنات المحترمة )*



سذاجة البنات المحترمة Dar4arab-d1d50fb816


ده اول موضوع ليا علي منتدى بيلا الثانوية بنات
دي قصه جامده جدا Shocked وعجبتني اوي ويارب تعجبكم Rolling Eyes Rolling Eyes
وهقدمها علي حلقات ياريت تنصفوني
بس للأمــــــــــانه هي طويله شويه بس بجد حلوه
الرجوع الى أعلى الصفحة اذهب الى الأسفل
lmakan505
عضو جديد
عضو جديد



عدد المساهمات : 12
تاريخ التسجيل : 03/08/2009
العمر : 36

سذاجة البنات المحترمة Empty
مُساهمةموضوع: رد: سذاجة البنات المحترمة   سذاجة البنات المحترمة Icon_minitimeالإثنين 03 أغسطس 2009, 8:37 pm

]المكان : كلية تجارة بأي جامعة في اي مكان في مصر
الوقت :اول يوم في الدراسة
الشخصيات:
احمد امام : "سقيط كبير" شاب في الثالثة والعشرين ولازال في السنة الثالثة بالكلية.
مني ممدوح : فتاة في الثامنة عشرمدللة والديها صغيرتهم بعد شابين يكبرانها سنا في أول سنة لها بالجامعة, فتاة جميلة محجبة.
كريم : صديق احمد بالسنة الرابعة وهو طبعا اصغر من احمد.
شيرين : صديقة كريم واحمد ,بالسنة الثالثة , قريبة لمني من بعيد.
سارة: صديقة منى من الكلية فتاة محبوبة ومؤدبة.
************************************************** **




(الحلقه الأولي)



حديث يدور بين شابين يدخنان في الكافيتيريا في الكلية وهو مكان يكشف بقية ساحة الكلية
احمد وهو يلتفت بجسده وعينيه خلف فتاة تسير امامه نافثا دخان سيجارته
احمد: الدفعة الجديدة شكلها جامد مووووت.
كريم: ايوة يابني مش الغفر الي كانوا على ايام دفعتنا, ولا صحيح انت استقبلت دفعتنا والي قبلها والي بعدها ,وياتري بقي انت ناوي تنجح السنة ولا زي كل سنة.
احمد: ايه السيرة الغم دي , النهاردة اول يوم , خليك خفيف كده عشان احبك.
كريم: يييييييه اهي شيرين وصلت هخلع انا بقي عشان دي جايه كمان ومعاها واحدة صاحبتها.
كاد احمد ان "يخلع" مع كريم ولكنه رأي ان الفتاة التي مع شيرين من الدفعة الجديدة , ورأي أن من واجبه كأقدم واحد بالكلية ان يستقبل الدفعة الجديدة التي طبعا كانت حلوة ورقيقة.
*********************
مني: انا خايفة يا شيري اني ميبقاليش اصحاب في الكلية.
شيرين: اهي دي بقي اخر حاجة ممكن تقلقك في مكان زي ده , دا احنا هنا بنقول هنودي الاصحاب فين .
مني: لا ياستي بقولك ايه انا ماليش في الشلل , انا مبحبش قعدة البنات مع الصبيان , انا اخواتي قالولي......
شيرين: ياادي اخواتك الي عاملينلك وش في دماغك , يابنتي هنا عادي , الدنيا كلها اصحاب في بعض , انتي مش كان ليكي اصحاب صبيان في المدرسة.
مني: ايوة , بس كلهم اصحابنا وجيراننا من زمان ومفيش منهم خوف لانهم كانو مصاحبين صاحباتي, وبعدين انا مكنتش برضه معاهم اوي انا مبحبش الجو ده.
شيرين بصوت خافت: انا قلت برضه انتي هتتعبيني.
ثم بصوت عالي : ايه ده كريم وايمو اهم .......هااااااي.
مني تصيح وهي تحاول اللحاق بشيرين التي توجهت نحو الشابين : انتي رايحة فين؟ مش كنا هنجيب الجدول بتاعي؟.
*******************
اقتربت الفتاتان من احمد لان كريم كان قد غادر , عدل احمد من هندامه كما يفعل كلما قابل وجه جديد
ضربت شيرين بكفها علي كف احمد وهي تقول:
شيرين : ايمووو انت فين ياراجل .
رد عليها برتابة: في الدنيا هكون فين يعني ؟
شيرين :ايه الغلاسة دي وبعدين كريم ماله كده جري زي الي عليه فلوس لحد .
احمد: اصله افتكر واحد صاحبه كان مستنيه .
شيرين : اه.
احمد بتسبيل : مش تعرفينا .
شيرين : لا مش هعرفك ,مش سكتك خالص على فكرة .
شعرت مني بالحرج من الكلام الذي يدور وحاولت ان ترد بأي شيء فصمتت
اخرجت شيرين تليفونها المحمول وطلبت رقماً:
شيرين: ايوه يا واطي ..... جريت ليه اول ما شفتني ........يا راجل ...
ومدت برجليها بعيدا قليلا عن احمد ومنى
احمد: انتي بقي سنة اولي ؟
احمد في رأسه* اكيد والا كنت شفتك .
منى بخجل :اه
منى في رأسها *يوه يا شيرين خلصي بقي.
احمد: معاكي الجدول ولا اجيبهولك .
مني وقد ارتبكت : لا ... ماهي شيرين هتيجي معايا... يعني ..هنشوفه .
احمد: طب استني خليكي هنا.
وانطلق كالصاروخ مغادرا اياها ,في نفس الوقت الذي انهت فيه شيرين المكالمة
شيرين:الله؟ فين الواطي التاني؟
منى : معرفش , قالي استني وجري , تعالي نمشي.
شيرين: هوقال راجع ولا قال ايه؟
منى: مقالش حاجة يلا نمشي بقي.
شيرين : لا استني اهه, ماله بيجري كده ليه ؟
وصل احمد لاهثاً ومد يده بورقة الي مني
احمد: اتفضلي يا ستي , جدول سنة اولي.
نزعت شيرين الورقة من يده وهي تجذب يد منى بعيدا
شيرين: متشكرين يا سيدي , بس ريح نفسك , قلتلك مش سكتك .
اعترض طريقهم قبل ان تغادرا
احمد : ايه ايه , رايحين فين ؟
شيرين : انت مش جبت الجدول , يلا باي بقي البنت جديدة وهلففها في الكلية.
تجاوزتاه وهو يتابعهما ببصره قائلا
احمد : اجي معاكو.
شيرين تهتف وهي تجر مني ورائها جراً
شيرين : لا شكراً.
ظل احمد يتابعهما ببصرة وهو يقول في نفسه
*ودي مين دي يعني الي شيرين خايفة عليها اوي كده؟؟؟ , هتكون تفرق ايه عن البنات التانية؟؟؟.
مني وهي تكاد تركض خلف شيرين , التي انطلقت وكأن كلب يجري خلفها
*ودا مين دا يعني الي شيرين خايفه عليا منه اوي كده , هي مش كانت بتقولي الناس هنا كلهم اصحاب عادي؟؟؟
[/b]
الرجوع الى أعلى الصفحة اذهب الى الأسفل
lmakan505
عضو جديد
عضو جديد



عدد المساهمات : 12
تاريخ التسجيل : 03/08/2009
العمر : 36

سذاجة البنات المحترمة Empty
مُساهمةموضوع: رد: سذاجة البنات المحترمة   سذاجة البنات المحترمة Icon_minitimeالإثنين 03 أغسطس 2009, 8:50 pm

ياريت اعرف رايكم هو فيها تشويق بس ياترا اكمل ولا .........اية ؟؟
الرجوع الى أعلى الصفحة اذهب الى الأسفل
alymosaad
مدير المنتدى
مدير المنتدى
alymosaad


عدد المساهمات : 152
تاريخ التسجيل : 23/06/2009
العمر : 23
الموقع : https://bialagirl.ahlamontada.com

سذاجة البنات المحترمة Empty
مُساهمةموضوع: رد: سذاجة البنات المحترمة   سذاجة البنات المحترمة Icon_minitimeالإثنين 03 أغسطس 2009, 10:14 pm

جميل ... بارك الله فيك
الرجوع الى أعلى الصفحة اذهب الى الأسفل
https://bialagirl.ahlamontada.com/portal.htm
alyaa96
مدير المنتدى
مدير المنتدى
alyaa96


عدد المساهمات : 471
تاريخ التسجيل : 23/06/2009
العمر : 28
الموقع : EGYPT

سذاجة البنات المحترمة Empty
مُساهمةموضوع: رد: سذاجة البنات المحترمة   سذاجة البنات المحترمة Icon_minitimeالإثنين 03 أغسطس 2009, 10:42 pm

موضوع جميل جداً
الرجوع الى أعلى الصفحة اذهب الى الأسفل
lmakan505
عضو جديد
عضو جديد



عدد المساهمات : 12
تاريخ التسجيل : 03/08/2009
العمر : 36

سذاجة البنات المحترمة Empty
مُساهمةموضوع: رد: سذاجة البنات المحترمة   سذاجة البنات المحترمة Icon_minitimeالثلاثاء 04 أغسطس 2009, 1:22 pm

alymosaad كتب:
جميل ... بارك الله فيك

شكرا لردك ومرورك هو الاجمل ...
الرجوع الى أعلى الصفحة اذهب الى الأسفل
lmakan505
عضو جديد
عضو جديد



عدد المساهمات : 12
تاريخ التسجيل : 03/08/2009
العمر : 36

سذاجة البنات المحترمة Empty
مُساهمةموضوع: رد: سذاجة البنات المحترمة   سذاجة البنات المحترمة Icon_minitimeالثلاثاء 04 أغسطس 2009, 2:29 pm

alyaa96 كتب:
موضوع جميل جداً

ميرسىعلى مرورك ياقمر ،، نورتينى
الرجوع الى أعلى الصفحة اذهب الى الأسفل
lmakan505
عضو جديد
عضو جديد



عدد المساهمات : 12
تاريخ التسجيل : 03/08/2009
العمر : 36

سذاجة البنات المحترمة Empty
مُساهمةموضوع: رد: سذاجة البنات المحترمة   سذاجة البنات المحترمة Icon_minitimeالثلاثاء 04 أغسطس 2009, 2:35 pm

(الحلقه التانيه)


لم ير احمد الفتاة مرة اخري وطبعا نسي فالدفعة مليئة بالوجوه الجديدة التي كان مشغولا بالتعرف عليها, فهو من أثارات كلية التجارة ,مضى حوالي الاسبوع الي ان لمحها تسير بين

فتاتين تتوجهان قرب الكافيتيريا وقرب مكانه العتيد بجانبها.

******************

لم تشغل منى بالها بما حدث هذا اليوم كثيرا ولكنها احتفظت بالجدول ,ورأت احمد عدة مرات بالكلية فهو لا ينفك يدور بالكلية يسلم علي اصدقائة من كل السنوات الدراسية , وكانت

تشعر بالفضول كلما رأته خاصة والسلوك الغريب الذي انتاب شيرين حين حاول التعرف عليها .

هاهو يقف بمكانه المعهود , لا ارجوكم دعونا لا نمر من جانبه , ييييه لقد رأني , تري ماذا سيفعل ؟, هل سيشيح بوجهه بعيد , يا ربي انه يبتسم.

******************

ابتسم احمد فيما اقتربت الفتيات منه وهن مستغرقات في الحديث الا مني التي تعلقت عيناها بعينيه , فابتسم لها , اطلت من شفتيها ابتسامة مترددة ,فانتبهت صديقتها ان مني لا تسمعها

فالتفتت لتري لمن تبتسم فقالت :

سارة: ايمو ازيك؟

احمد وهو لا يذكر اسم الفتاة التي تسلم عليه ولكن لم يبد عليه شيئاً

احمد: الحمد لله , ازيك انتي ؟

سارة:كويسة .

نظر الي مني مباشرة في عينيها وقال :

احمد: ازيك؟.

تمتمت مني بشيء في خفوت معناه الحمد لله فقالت سارة

سارة: ايه دا انتو تعرفة بعض؟

قالت منى :اه

بينما قال احمد :لا

فتورد وجهها احمراراً فسارع احمد يقول

احمد : قصدي اتعرفنا علي بعض بس منعرفش اسامي بعض

سارة: بسيطة ...احمد امام .....منى ممدوح.

مد احمد يده *ايوه كده تمام

احمد:فرصة سعيدة.

مدت مني يدها بتردد* انا مبحبش الي بيسلمو بالايد

مني : شكراً.

ضغط احمد كفه برفق وفي سرعة على يدها اصابعها التي بالكاد لامست يده وتركها سريعا كأن لم يضغط مما جعل وجهها يحمر قليلاً

احمد* اول مرة بنت تحمر عشان سلمت عليا

منى *ايه الولد دا

*****************

بعد هذا اليوم بأيام رأي احمد منها , لم يرها صدفة , بل كان ينتظرها المدرج , وقد قارب موعد انتهاء محاضرتها , وقد لا حظ انها من هواة حضور المحاضرات, وهذا شيء غريب

على غير الصف الاول في الكلية ,لم ينتظر كثيرا كان متوقفا مع "شلة" من اصحابه في السنة الثانية بالكلية اذ لا حظ نزول الصف وبينهم مني, لم يتحرك نحوها , بل توقف في

مكان يراه فيه النازلين من المدرج , واثقا من انها ستراه فيه.

رأت منى احمد , اول ما نزلت من المدرج وجدته امامها واقفا يضحك ويهزر بصوت عال مع اصدقائه , تعلقت عيناها به بينما قالت سارة

سارة: الواد دا زي العسل انا يوم ماعرفته مبطلتش ضحك.

قالت فتاة اخري معهما

ميرنا: مين؟ ايمو؟ , دا زي القمر انا كنت هموت عليه في اول اسبوع بس قالولي مالوش في السن الصغير.

سارة: انتي متعرفيش اصله كبير عننا اصلا دا بقالة ميت سنة بيسقط , قولي يمكن دلوقتى عنده 22 ,23 سنة.

ميرنا: تعالي تعالي نسلم عليه.

وتجاوزا منى متوجهتان صوب احمد , وهي كالمصدومة خلفهما , الي اين هما ذاهبتان , لا , سأنصرف انا.

التفتت اليها سارة ملاحظة تجمدها في مكانها

سارة: فيه ايه يا بنتي متنحة ليه ؟ اتحركي.

مني: بصي يا سارة روحو انتو وانا هطلب الاوردر في الكافيتريا وانت تبقو تحصلوني اوكاي.

سارة: طيب مش هنتأخر.

وتوجهتا نحوه وسارة تسمع صوتهما :

ايمو , ازيك .

*انا ماليش دعوة عايزين يقفو معاه هما حرين انا ماليش في الناس الي بتسقط.

وقف احمد مترقبا منى والحديث الذي يدور بين الفتيات من بعيد , يبدو انه عليه , فتعمد اعلاء صوته بالضحك والهزار , جيد ,ها هن الفتيات يقتربن , ما هذا ؟ لماذا تسمرت منى؟

مالذي يحدث؟,لا لا لا الي اين هي ذاهبة؟

يا الله , لقد ذهبت ,غلا الدم في عروقه , لقد دنت منه فتاتين لا يذكر اسمهما حتى , ما هذا الحظ؟.

*ماشي يا مني بتحلقيلي انا هوريكي , مش انا الي يتعمل معاه كدة.
الرجوع الى أعلى الصفحة اذهب الى الأسفل
احمد عز
مراقب عام
مراقب عام
احمد عز


عدد المساهمات : 212
تاريخ التسجيل : 27/06/2009
الموقع : THE EARTH

سذاجة البنات المحترمة Empty
مُساهمةموضوع: رد: سذاجة البنات المحترمة   سذاجة البنات المحترمة Icon_minitimeالأربعاء 05 أغسطس 2009, 9:55 am

جميل بارك الله فيك
الرجوع الى أعلى الصفحة اذهب الى الأسفل
lmakan505
عضو جديد
عضو جديد



عدد المساهمات : 12
تاريخ التسجيل : 03/08/2009
العمر : 36

سذاجة البنات المحترمة Empty
مُساهمةموضوع: رد: سذاجة البنات المحترمة   سذاجة البنات المحترمة Icon_minitimeالخميس 06 أغسطس 2009, 12:40 pm

احمد عز كتب:
جميل بارك الله فيك

تسلملى يا غاااالى مرورك هو الاجمل
الرجوع الى أعلى الصفحة اذهب الى الأسفل
lmakan505
عضو جديد
عضو جديد



عدد المساهمات : 12
تاريخ التسجيل : 03/08/2009
العمر : 36

سذاجة البنات المحترمة Empty
مُساهمةموضوع: رد: سذاجة البنات المحترمة   سذاجة البنات المحترمة Icon_minitimeالخميس 06 أغسطس 2009, 12:45 pm

(الحلقه التالته)


لم يغمض لاحمد جفن منذ ذلك اليوم, اولا هو لم يحاول اغواء فتاة من قبل , على الاقل منذ بضعة سنوات ,فهو "سمعته تسبقه" في كل

مكان, ومنذ فترة لم يعييه الحصول على بنت , آلمه غروره , مع ان في الحقيقة لم يحدث امر يحرجه او يغضبه لان شيئا لم يحدث اصلا

على الاطلاق , لكنه هو الوحيد الذي يعلم نيته ومراده , وقد جرح الامر كرامته امام نفسه فاقسم ان يصلح مظهره امام نفسه على الاقل.

رأها , كانت جالسة وحدها , فرصة ذهبية , اقترب بخفة وجلس بجانبها على الكرسي , رفعت عينيها عن تليفونها المحمول الذي كانت

تعبث به.

******************

جلست منى تنتظر صديقاتها علي مقعد بالكلية, لم تكن الكلية مزدحمة يومها ولا كان عندها محاضرات اصلاً,

شعرت بشخص يجلس على المقعد غير بعيد منها , فرفعت عينيها عن تليفونها فاذا به احمد , ارتجفت , مالذي اتي به , اقتضبت ابتسامة

سريعة علي فمها .

******************

احمد: منى, ازيك؟

منى: الحمد لله.

احمد:قاعدة لوحدك ليه ؟

منى:عادي.

* قاعد انت جمبي ليه؟

* انتي هتردي كل سؤال بالعافية.

احمد : امال اصحابك فين؟

منى : لسه مجوش.

احمد: طب ما تيجي تقعدي معانا لحد ما ييجيو.

مني : لا معلش هستناهم هنا عشان يلاقوني.

* ايه البت الرخمة دي؟

احمد: طب هقعد انا معاكي لغاية ماييجو.

* ييييه ياريتني قلتله ماشي.

منى: مبتشوفش شيري .

احمد وقد انبسطت اساريره لفتحهها موضوع للتحاور

احمد: لا والله من ساعة ما شفتها معاكي وهي مطنشاني , هي قريبتك؟

منى : اه, من بعيد , هي طيبة اوي .

احمد : فعلاً , هي بنت جدعة .

ساد صمت محرج قليلاً

*فكر ياواد يا ايمو متقعدش ساكت كده .

*ايه يا مني ؟انتي خرسا ليه؟ عمرك ماكنتي رخمة كده ,فكي شوية.

مني: انا شفتها النهاردة .

احمد :هي مين دي؟

مني : شيري .

احمد : اه فين؟

مني : لمحتها عند البوابة الصبح.

احمد التمعت عيناه , وقد اضائت فكرة برأسه

احمد: لما تشوفيها تاني قوليلها اني عايزها ضروري , ولا اقولك رني عليا وانا اجي اقفشها.

منى وقد فهمت مقصده وحاولت التهرب منه

مني : اه حاضر, ان شاء الله

* ايه ده , هي تصيع عليا.

فقال مباشرة

احمد: انتي معاكي نمرتي.

شعرت مني انه اسقط في يدها فهزت رأسها نفياً ,فبكل بساطة مقصودة امسك تليفونها من بين يديها وسجل نمرته ورن على هاتفه وقال لها

في "استعباط" تام

احمد: اول ماتشوفيها رنيلي , انا همشي دلوقتي ماشي .

وانصرف عنها وهي تكاد تغلى غضباً مما فعل

* قشطة كدة.

* ايه الواد البجح دا.
الرجوع الى أعلى الصفحة اذهب الى الأسفل
Mr.Mosaad
المدير العام
المدير العام
Mr.Mosaad


عدد المساهمات : 676
تاريخ التسجيل : 23/06/2009
العمر : 66
الموقع : https://bialagirl.ahlamontada.com

سذاجة البنات المحترمة Empty
مُساهمةموضوع: رد: سذاجة البنات المحترمة   سذاجة البنات المحترمة Icon_minitimeالخميس 06 أغسطس 2009, 4:24 pm

قصة طويلة وجميلة
الرجوع الى أعلى الصفحة اذهب الى الأسفل
https://bialagirl.ahlamontada.com
lmakan505
عضو جديد
عضو جديد



عدد المساهمات : 12
تاريخ التسجيل : 03/08/2009
العمر : 36

سذاجة البنات المحترمة Empty
مُساهمةموضوع: رد: سذاجة البنات المحترمة   سذاجة البنات المحترمة Icon_minitimeالجمعة 07 أغسطس 2009, 11:01 am

Mr.Mosaad كتب:
قصة طويلة وجميلة
يارب تكون عجبتك وانتظر الحلقات القادمة لانها مقدمة على حلقات متواصلة منفصلة ...
شكرا لمرورك الكريم ،، نورتنى
الرجوع الى أعلى الصفحة اذهب الى الأسفل
alyaa96
مدير المنتدى
مدير المنتدى
alyaa96


عدد المساهمات : 471
تاريخ التسجيل : 23/06/2009
العمر : 28
الموقع : EGYPT

سذاجة البنات المحترمة Empty
مُساهمةموضوع: رد: سذاجة البنات المحترمة   سذاجة البنات المحترمة Icon_minitimeالسبت 08 أغسطس 2009, 7:25 pm

قصة جميلة
الرجوع الى أعلى الصفحة اذهب الى الأسفل
lmakan505
عضو جديد
عضو جديد



عدد المساهمات : 12
تاريخ التسجيل : 03/08/2009
العمر : 36

سذاجة البنات المحترمة Empty
مُساهمةموضوع: رد: سذاجة البنات المحترمة   سذاجة البنات المحترمة Icon_minitimeالأربعاء 12 أغسطس 2009, 2:19 pm

alyaa96 كتب:
قصة جميلة
مرورك الاجمل تسلمى ياقمر
الرجوع الى أعلى الصفحة اذهب الى الأسفل
lmakan505
عضو جديد
عضو جديد



عدد المساهمات : 12
تاريخ التسجيل : 03/08/2009
العمر : 36

سذاجة البنات المحترمة Empty
مُساهمةموضوع: رد: سذاجة البنات المحترمة   سذاجة البنات المحترمة Icon_minitimeالأربعاء 26 أغسطس 2009, 10:19 am

(الحلقه الرابعه)

كريم: مالك يا بني, سيب الموبايل مش هتتصل.

احمد: هي مين دي الي مش هتتصل.

كريم: ها هاي الي انت مستنيها.

احمد: انا مش مستني حد يتصل ,وبعدين مين قال انها مش هتتصل ؟

كريم : اهه يعني فيه حد هيتصل.

احمد: وانت مالك اصلا ياغلس .

*****************

منى :شيري ....شيري ..

شيرين: مينوووو .

اقبلت شيرين وقبلت منى على وجنتيها

شيرين: انتي فين يا كلبة.

منى: انتي الي مبتسأليش .

وبعد ان قاربتا على انهاء حديثهما قالت منى

منى: اه على فكرة , احمد امام عايزك ضروري .

شيرين: ودا عايز ايه دا كمان ضروري كده .

*****************

شيرين : انت ياواد انت.

احمد: بنت يا شيرين , ازيك انتي فين؟

شيرين: كنت مسافرة , ايه اخبارك؟ عايزني في ايه؟

احمد : عايزك ايه؟

شيرين :انت مش قلت لمني تبلغني انك عايزني ضروري .

احمد: لا انا .......أهههه....لا ولا تحطي في دماغك.

شيرين : ايمو .... جري ايه , انت هتعط من ورايا؟

احمد : ههه.. لا يا بنتي مفيش حاجة.

شيرين: احمد يا امام انا بتكلم بجد ابعد عن مني دي بنت ناس.

احمد: منى ايه وعيال ايه يا بنتي انتي , وبعدين ايه يعني بنت ناس هو انا الي كنت اعرفهم ولاد ايه.

شيرين: لا دي مؤدبة ومش حملك لو فيه حاجه في دماغك ياريت تطلعها لو سمحت.

احمد: يا بت بجد مفيش حاجة.

شيرين : اصل انا مش عرفاك , ايه مالك؟ ايه الي هيموتك عليها كده , انها مؤدبة , وحياة ابوك تخليهالي كده دي امانة.

احمد: يعني ما هو انا لو مستلمتهاش هيستلمها غيري , هي داخلة كلية شرعي؟؟.

شيرين: ايمو ... عشان متخسرنيش , شوفلك حدوتة تانية اليومين دول.

احمد: انا اقدرارفضلك طلب ياقمر.

******************

سارة : مين دا يا بنتي الي اداكي نمرته انتي بتهزري, دا واد تنك جدا وما افتكرش انه هيديكي رقمه.

منى: والله العظيم اخد موبايلي من ايدي كده بالظبط وكتب نمرته , اتصلك بيه يعني عشان تتأكدي.

سارة: اكيد عشان كان عايز شيرين في حاجة , وعشان كده بس عمل كده.

منى: يا بنتي كان باين اوي انها حجة, انا مش هبلة.

سارة : طب وانتي عملتي ايه بالنمرة؟

منى: مسحتها اول ما مشي .

سارة: يخرب عقلك انتي اتجننتي .

منى : يعني كنتي عايزاني اعمل ايه يعني؟

سارة : معرفش بس مكنتيش تعملي كده .

سكتت مني قليلا ثم قالت

منى : بس انا حفظت النمرة قبل ما امسحها

*****************

*جبت جون ياواد يا ايمو
الرجوع الى أعلى الصفحة اذهب الى الأسفل
ايه المنـــــفي
مشرف المنتدى العام
مشرف المنتدى العام
ايه المنـــــفي


عدد المساهمات : 224
تاريخ التسجيل : 15/06/2010
العمر : 27
الموقع : المنتدى دا احلى

سذاجة البنات المحترمة Empty
مُساهمةموضوع: رد: سذاجة البنات المحترمة   سذاجة البنات المحترمة Icon_minitimeالأحد 10 أكتوبر 2010, 7:50 pm

قصه هاااااايله مشكوووور و يارب المزيد وانا عن نفسى بنت وكرهت نفسى هههههه
الرجوع الى أعلى الصفحة اذهب الى الأسفل
يحيى سلامه
عضو جديد
عضو جديد
يحيى سلامه


عدد المساهمات : 23
تاريخ التسجيل : 31/08/2010
العمر : 32
الموقع : www.mazika2day.com

سذاجة البنات المحترمة Empty
مُساهمةموضوع: رد: سذاجة البنات المحترمة   سذاجة البنات المحترمة Icon_minitimeالسبت 16 أكتوبر 2010, 12:01 am

كمل يابرنس الحكايه التافه بتعتك دى

هههههههههههههههههه
كلام فاضى محنا بتوع كليات برضو
ههههههههههههههههههه
الرجوع الى أعلى الصفحة اذهب الى الأسفل
ايه المنـــــفي
مشرف المنتدى العام
مشرف المنتدى العام
ايه المنـــــفي


عدد المساهمات : 224
تاريخ التسجيل : 15/06/2010
العمر : 27
الموقع : المنتدى دا احلى

سذاجة البنات المحترمة Empty
مُساهمةموضوع: رد: سذاجة البنات المحترمة   سذاجة البنات المحترمة Icon_minitimeالأحد 17 أكتوبر 2010, 9:56 pm

والله مش تافه ولا حاجه يا يحيى ركز دا بيعرفنا ايه اللى بيحصل فى الكليات واحنا قاعدين مكاننا يالهووووووى كل دا يحصل فى الدنيا دا انا على كدا مش عايشه دا احنا فى زمن ما يعلم بيه الا ربنا
الرجوع الى أعلى الصفحة اذهب الى الأسفل
alyaa96
مدير المنتدى
مدير المنتدى
alyaa96


عدد المساهمات : 471
تاريخ التسجيل : 23/06/2009
العمر : 28
الموقع : EGYPT

سذاجة البنات المحترمة Empty
مُساهمةموضوع: رد: سذاجة البنات المحترمة   سذاجة البنات المحترمة Icon_minitimeالإثنين 01 نوفمبر 2010, 8:24 pm

ههههههههههه اها يا ايه دنتي لو قراتي القصه كلها هتكرهي الدنيا دي
الرجوع الى أعلى الصفحة اذهب الى الأسفل
ايه المنـــــفي
مشرف المنتدى العام
مشرف المنتدى العام
ايه المنـــــفي


عدد المساهمات : 224
تاريخ التسجيل : 15/06/2010
العمر : 27
الموقع : المنتدى دا احلى

سذاجة البنات المحترمة Empty
مُساهمةموضوع: رد: سذاجة البنات المحترمة   سذاجة البنات المحترمة Icon_minitimeالثلاثاء 02 نوفمبر 2010, 5:35 pm

هههههه اوكى
الرجوع الى أعلى الصفحة اذهب الى الأسفل
alyaa96
مدير المنتدى
مدير المنتدى
alyaa96


عدد المساهمات : 471
تاريخ التسجيل : 23/06/2009
العمر : 28
الموقع : EGYPT

سذاجة البنات المحترمة Empty
مُساهمةموضوع: رد: سذاجة البنات المحترمة   سذاجة البنات المحترمة Icon_minitimeالثلاثاء 02 نوفمبر 2010, 7:22 pm

هههههههههه صدقيني انا قراتها كلها بس خرافه
الرجوع الى أعلى الصفحة اذهب الى الأسفل
ايه المنـــــفي
مشرف المنتدى العام
مشرف المنتدى العام
ايه المنـــــفي


عدد المساهمات : 224
تاريخ التسجيل : 15/06/2010
العمر : 27
الموقع : المنتدى دا احلى

سذاجة البنات المحترمة Empty
مُساهمةموضوع: رد: سذاجة البنات المحترمة   سذاجة البنات المحترمة Icon_minitimeالأربعاء 03 نوفمبر 2010, 3:13 pm

مصدقاكى يا جاامده
الرجوع الى أعلى الصفحة اذهب الى الأسفل
lmakan505
عضو جديد
عضو جديد



عدد المساهمات : 12
تاريخ التسجيل : 03/08/2009
العمر : 36

سذاجة البنات المحترمة Empty
مُساهمةموضوع: رد: سذاجة البنات المحترمة   سذاجة البنات المحترمة Icon_minitimeالخميس 17 يناير 2013, 2:18 am

انا اسف جدا جدا Embarassed لعدم تكملة الموضوع ولذلك لظروف منعتنى من دخول النت ومتابعة الموقع Shocked
وبعد ما رجعتلكم تانى من جديد اللى يحب اكلمة الموضوع يقولى ويشجعنى لانة موضوع طوووووويل بس شيق جدا
الرجوع الى أعلى الصفحة اذهب الى الأسفل
 
سذاجة البنات المحترمة
الرجوع الى أعلى الصفحة 
صفحة 1 من اصل 1
 مواضيع مماثلة
-
» ليه الولاد بتمشى ورا البنات فى الشارع

صلاحيات هذا المنتدى:لاتستطيع الرد على المواضيع في هذا المنتدى
مدرسة بيلا الثانوية بنات :: منتدى الأدب والثقافة :: منتدى القصص-
انتقل الى: