الأمر Refresh خطأ نقع فيه

الأمر Refresh

الأمر Refresh خطأ نقع فيه Nudeglitaljazyni8

الموضوع يختص بأمر Refresh الذي كلنا بنتعامل معه في اليوم الواحد أكثر من مليون مرة ولا واحد يعلم ماذا يفعل هذا الأمر.. أو يعرف ولكن يعرف بطريقة خاطئة.

لو سألت أحد يقوم بعمل Refresh للديسك توب أو لأي مكان بالجهاز أو لماذا تدوس على زر F5 هاتكون الإجابة غربية جداااااااااااااااا. يقولك أصله بيفرفش الجهاز!!!! أو بينعنش الجهاز؟؟؟!!!! أو يقولك دا بيفوق الجهاز؟؟ وكمان بيخليه يحمل بسرعة. صح؟ ولا أنا غلطانة؟

طبعا إجابات غريبة جدا لا تستند إلى أى سند علمي أو هندسي او حتي منطقي.
إذن ماذا يفعل هذا الأمر من الناحية العلمية والهندسية والفعلية, وحتى نعرف الإجابة ونفهم جيدا يجب أن نعود الى الوراء قليلا...... نرجع حوالى 12سنة ... نرجع لأيام وندوز 95 لو حد فاكره او اشتغل عليه .

ايام وندوز 95 مكانش فيه أمر Refresh اللي احنا عارفينه أصلا. ودا كان بيعمل مشاكل معانا, ومن الامثلة على المشاكل دي إنك لو مثلا قمت بنسخ ملف من أو إلى الديسك توب على سبيل المثال ممكن بعد عملية النسخ ماتشوفش الملف يعني النسخ تم ومع ذلك الملف او الفولدر مش أدامك. فيه إيه فين الملف!!؟؟, وكانت الطريقة الوحيدة للتغلب على المشكلة دي عشان الملف يظهر .. إنك تقفل الصفحة الليي أنت فيها وتفتحها تاني, لييييييييييه؟؟ لأن أي صفحة بتتفتح بيتعمل لها عملية Load يعني تحميل وأثناء عملية الــ Load أو التحميل بيظهر من تاني كل مكونات الصفحة بما فيها الملف أو الفولدر اللي تم نسخه وماظهرش وبالتالي بيظهر أمامنا.

وهو ده كان الحل الوحيد للمشكلة أيام وندوز95 . وكان في نوع تاني من المشاكل إنك مثلا تحط اسطوانة في الدرايف ومايظهرش اسمها او تخرجها وتلاقي اسمها لسه موجود. طب نعمل ايه؟ كنا بنضطر برضه لقفل الصفحة وفتحها من تاني عشان تعمل عملية الــ LOAD لمحتوياتها فبالتالي لو في أي تغيير في المحتويات هايظهر.

وبعدين ظهر وندوز98 ومعاه نفس المشكلة. لكن مايكروسوفت حلت المشكلة مع الإصدار الثاني من وندوز98 Windows 98 Second Edition بأنها زودت أمر Refresh في القوائم عشان المستخدم اللي بيعاني من ان في ملفات او عمليات بتتم ومابيظهرش تأثيرها نعمل لها Refresh عشان تظهر وبمعني أوضح إن امر Refresh بيعمل عملية Reload أي إعادة تحميل لمحتويات الصفحة.

وهو ده مربط الفرس, اظن اننا دلوقت قربنا نفهم وظيفة امر Refresh الليي كلنا بنألف في تعريفها.

المشكله الأكبر إن أمر Refresh أمر مش خفيف لأن عملية إعادة تحميل محتويات الصفحة مش عملية سهلة ومع ذلك تلاحظ ان معظم الناس والجهاز مهنج أو بطئ عشان بيعمل حاجة او بيفتح برنامج او بيقتح لعبة عمال يدوس Refresh ,Refresh, طب ليه هو الجهاز ناقص تقل. وبعدين الأمر ده موجه للمنطقة اللي انت بتعمل ليها Refresh يعني مش هايعمل حاجة مع البرنامج اللي مهنج الجهاز يعني مثلا واحد بيفتح الوورد والبرنامج بيفتح بالعافية تلاقيه عمال يدوس Refresh على الديسك توب , طب مال الديسك توب ومال الـ Refresh ومال برنامج الوورد يا عم الحاج.
وبعدين هو الجهاز ناقص تقل عشان تتقله اكتر بأمر اعادة تحميل محتويات الصفحة.

مشكله كبيرة جدا وقعنا فيها بسبب معدومي الخبرة من مدعي المعرفة بأمور الكمبيوتر والناس مظلومة مش فاهمة وكله ماشي وراهم.

الرجاء من كل من قرأ هذا الموضوع ان ينشر المعلومة حتي تعم الفائدة

وختاماً أحمد الله وأصلي وأسلم على حبيبي ونور عيني وكل منايا شفاعته سيدي وسيد الخلق أجمعين محمداً رسول الله صلى الله عليه وسلم وآله أجمعين .

مشكورررررررر مستر مسعد

الأمر Refresh خطأ نقع فيه C7b2315d

مشكورررر على الموضوع الرائع

مشكورررر على الموضوع الجميل

إية الروعة دى يا أستاز

هااااااااااااااااااااااااااااااايل مستر مسعد مشكوووووووور